Fjölskylduboð og heimsóknir

Við tökum að okkur heimsóknir bæði í heimahúsum og í sölum. Fyrirkomulag og verð eru ólík eftir staðsetningu og eru útskýrð hér fyrir neðan.

​

Heimsókn í heimahúsi

Í heimahúsum er boðið upp á 20 mínútna heimsókn. Jólasveinninn mætir með gítarinn, tekur lagið, segir sögur, situr fyrir á myndum og getur gefið gjafir úr strigapoka í lok heimsóknar, hafi það verið undirbúið.

Verð:

• 30.000 kr.

• Þorláksmessa: 40.000 kr.

• Jóladagur, annar í jólum, gamlársdagur og nýársdagur: 50.000 kr.

Heimsókn í heimahúsi hentar jafnt kjarnafjölskyldu sem stórfjölskyldu. Við erum einfaldlega að mæta í heimahús og laga heimsóknina að aðstæðum hverju sinni.

​

Fjölskylduboð í heimahúsi (óformleg viðvera)

Einnig bjóðum við upp á óformlega viðveru í heimahúsi, þar sem jólasveinninn er á svæðinu í um 40 mínútur án formlegrar dagskrár.

Þá getur hann meðal annars aðstoðað við bakstur, skorið út laufabrauð með fjölskyldunni, staðið vaktina yfir kakópottinum, spjallað við fjölskylduna um heima og geima

​

Verð: 30.000 kr.

👉 Heimsókn og fjölskylduboð í heimahúsi eru sama þjónusta og á sama verði.
Markmiðið er alltaf það sama: hlý samvera, róleg gleði og jólastemning sem passar fjölskyldunni.

​

Fjölskylduboð í sal

Sé fjölskylduboðið haldið utan heimilis, til dæmis í sal, er boðið upp á tvær útfærslur:

20 mínútna dagskrá – 50.000 kr.
Jólasveinninn mætir með gítarinn, tekur lagið, segir sögur, situr fyrir á myndum og getur gefið gjafir úr strigapoka.

40 mínútna dagskrá – 70.000 kr.
Fyrri 20 mínúturnar eru líkar og að ofan. Að þeim loknum er gengið í kringum jólatréð í aðrar 20 mínútur, annað hvort undir gítarleik jólasveinsins eða með tónlist úr hljóðkerfi. Jólasveinninn gengur þá með hópnum í kringum tréð.

⚠️ Mjög mikilvægt:
Boð utan heimilis, svo sem í sal, eru alltaf á hærra verði en heimsóknir í heimahús.