Fullorðnir

Jólasveinar eru ekki bara fyrir börn. Stundum eru það fullorðnu gestirnir sem þurfa mest á því að halda að fá smá jólagleði, hlátur og óvænta heimsókn frá fjöllunum.

​

Við bjóðum upp á skemmtun fyrir fullorðna hópa þar sem áherslan er á húmor, hlýju og létta þátttöku gesta. Þetta getur verið stutt og smellið innslag, óvænt heimsókn á vinnustað, atriði í jólaboði eða lengri dagskrá með tónlist, spjalli og sprelli.

​

Atriðið er alltaf lagað að hópnum og tilefninu. Sumir hópar vilja létt grín og mikið fjör, aðrir vilja notalega jólastund með söng og spjalli. Við finnum tóninn með ykkur og sjáum til þess að jólasveinninn passi inn í kvöldið, án þess að taka það yfir.

​

Þetta hentar vel þegar markmiðið er að brjóta ísinn, hressa upp á stemninguna og skapa sameiginlega minningu sem fólk talar um á eftir.