Jólaböll

Jólaballið er oft einn af hápunktum aðventunnar hjá fyrirtækjum, starfsfólki og fjölskyldum þeirra. Börnin bíða spennt, jólatréð er komið á sinn stað og svo þarf bara að tryggja að einhver haldi utan um gleðina, sönginn og jólasveinana.

​

Við bjóðum upp á jólaböll fyrir fyrirtæki þar sem dagskráin er sniðin að hópnum, rýminu og stemningunni hverju sinni. Hægt er að fá einn jólasvein, tvo jólasveina eða jafnvel alla þrettán bræðurna ef ævintýrið á að fara alla leið. Grýla getur líka látið sjá sig ef hópurinn þolir smá aukaskammt af fjallalofti.

​

Dagskráin getur verið einföld og hlý, eða stærri og fjörugri eftir því sem hentar. Jólasveinarnir geta tekið lagið á kassagítar, stýrt dansi í kringum jólatréð, komið fram með sviðsatriði, blandað geði við gesti, sýnt töfrabrögð og aðstoðað við dreifingu glaðnings.

​

Við getum einnig boðið upp á tónlistaratriði, ýmist með jólasveinum eða án þeirra, til dæmis dúó eða hljómsveit eftir umfangi viðburðarins.

​

Markmiðið er alltaf það sama: að skapa jólaball sem er lifandi, vel skipulagt og eftirminnilegt, án þess að fyrirtækið þurfi að halda utan um hvert einasta smáatriði. Við mætum með reynsluna, sveigjanleikann og jólagleðina með okkur.