Ekkert kemur jólaskapinu betur af stað en heimsókn frá jólasveinunum! Við bjóðum upp á skemmtilegar og hjartahlýjar jólasveinaheimsóknir sem henta einstaklega vel fyrir leikskóla.

​

Jólasveinarnir okkar mæta glaðbeittir með kassagítarinn og leiða börnin í sameiginlegan söng. Stundum laumum við inn nokkrum töfrabrögðum eða öðru sprelli sem hentar yngstu kynslóðinni vel. Við tryggjum að börnin hlæji, njóti samverustundarinnar og auðvitað má treysta á að gleðin sé í hávegum höfð!

​

Við höfum áratuga reynslu af starfi með börnum og pössum sérstaklega vel upp á þau allra yngstu, að galsinn verði þeim ekki um of svo þau geti líka fengið að njóta. 

​

Við leggjum okkur fram við að skapa eftirminnilega upplifun:
✨ Oft byrjar ævintýri jólasveinanna úti á leikvelli þar sem börnin sjá sveinana birtast áður en þeir koma askvaðandi inn
✨ Við höfum jafnvel komið inn um glugga, til að gera minninguna enn eftirminnilegri
✨ Að heimsókn lokinni dreifum við gjöfum ef þess er óskað. Annað hvort afhendum við sjálfir eða hjálpum til við úthlutun

​

Hægt er að fá einn eða fleiri jólasveina, eftir stærð leikskólans og þörfum hverju sinni.