Jólaguðspjallið fyrir börn

Á þessum tíma ákvað Ágústus keisari að telja og skrá alla íbúa Rómaveldis. Það hafði aldrei verið gert áður en á þessum tíma var Kýreníus landstjóri á Sýrlandi. Allir þurftu að fara til síns heimabæjar til að láta skrá sig þar.

Jósef og unnusta hans, María, fóru frá Nasaret,  sem var bær í borginni Galíleu, og til Júdeu, þaðan sem þau voru, í bæ sem heitir Betlehem. Betlehem var kölluð borg Davíðs, því Davíð konungur var þaðan. Davíð var forfaðir Jósefs og þess vegna fór Jósef þangað til að láta skrá sig.

María var ólétt og á meðan þau voru í Betlehem fæddi María barnið. Hún eignaðist son, sitt fyrsta barn. Hún klæddi hann og lagði í jötu, ílát sem dýr borða úr, því það var ekki pláss fyrir þau í gestaherberginu.

Í nágrenninu voru fjárhirðar úti í haga og gættu kindanna um nóttina. Allt í einu birtist engill frá Guði og bjartur ljómi frá Guði lýsti upp allt í kringum þá. Hirðarnir urðu mjög hræddir.

Engillinn sagði við þá: „Ekki vera hræddir því ég er kominn til að segja ykkur frábærar fréttir, og ekki bara fyrir ykkur, heldur fréttir sem munu gleðja allt fólkið! Í dag er frelsari ykkar fæddur í borg Davíðs. Hann er Kristur Drottinn. Þið munuð finna lítið barn, klætt í barnaföt og liggjandi í jötu.“

Allt í einu birtust enn fleiri englar frá himnum með englinum. Þeir lofuðu Guð og sögðu: „Dýrð sé Guði á himnum og friður á jörðu og góðmennska Guðs yfir öllu fólkinu.“

Endursögn á Lúkasarguðspjalli 2:1–14.