Stekkjastaur kemur til byggða aðfaranótt 12. desember og er fyrstur jólasveinanna. Hann drakk mjólk úr kindum en þar sem hann hafði staurfætur gerði það honum erfitt fyrir.

Giljagaur kemur til byggða aðfaranótt 13. desember og er annar jólasveinanna. Hann faldi sig í fjósinu og borðaði froðuna sem myndaðist ofan á mjölkurfötunum.

Stúfur kemur til byggða aðfaranótt 14. desember og er þriðji jólasveinninn. Hann er minnstur þeirra bræðra, leitar að illa þrifnum pönnum og skrapar agnirnar sem brunnu fastar.

Þvörusleikir kemur til byggða aðfaranótt 15. desember. Hann sleikti matarleifar á þvörum en þvara er risa stór sleif sem eru ekki notaðar í dag.

Pottaskefill kemur til byggða aðfaranótt 16. desember. Hann skóf afganga úr pottunum sem oft brunnu fastir. Fæst okkar myndi sætta sig við það.

Askasleikir kemur til byggða aðfaranótt 17. desember. Hann borðaði mat úr öskum, þar sem afgangarnir voru geymdir, en varð að vera á undan heimilisdýrunum.

Hurðaskellir kemur til byggða aðfaranótt 18. desember. Hann var tíður gestur á mörgum heimilum en skellti dyrunum þegar heimilisfólk var að festa svefn.

Skyrgámur kemur til byggða aðfaranótt 19. desember. Hann hámaði í sig skyr úr tunnunni þar sem það var geymt þar til hann varð pakksaddur.

Bjúgnakrækir kemur til byggða aðfaranótt 20. desember. Hann klifraði upp í rjáfur og stóð þar í hita og reyk. Þar gæddi hann sér á bjúgum.

Gluggagægir kemur til byggða aðfaranótt 21. desember. Hann fylgdist ekki með fólki, hann stóð við gluggana í leit að dóti sem hann girntist.

Gáttaþefur kemur til byggða aðfaranótt 22. desember. Hann fann lykt af nýsteiktu laufabrauði langar leiðir sem dró hann stundum til byggða.

Ketkrókur kemur til byggða aðfaranótt 23. desember. Hann stóð upp á þaki og veiddi hangikjöt upp í gegnum strompinn.

Kertasníkir kemur til byggða aðfaranótt 24. desember. Kertasníkir stal kertum af heimilum en hann kveikti ekki á þeim, hann borðaði þau. Í gamla daga var hannn stundum kallaður Kertasleikir. 

Grýla er mamma jólasveinanna, hún er illkvittin en með hlýtt hjarta innst við beinið. Hún á um 80 börn og eru elstu heimildir um hana um 800 ára gamlar.

Leppalúði er þriðji eiginmaður Grýlu. Hann er latur, gerir lítið heima og kemur sjaldan til byggða, þó ekki útilokað að rekast á hann.

Jólakötturinn kemur kemur til sögunnar á 19. öld en á sér enn lengri sögu. Hann á frægan ættinga en jólakötturinn og IKEA-geitin eru líklega skyld.

Íslensku jólasveinarnir eiga sér langa sögu sem fyrst voru óprúð tröll en tóku síðan á sig mynd ameríska jólasveinsins.