Súkkulaðitrufflur

Um 20–25 litlir molar.

Hráefni

• 200 g dökkt súkkulaði, um 55–65% kakó

• 1 dl rjómi

• 20 g smjör

• Kakó til að velta upp úr

Aðferð

1. Saxið súkkulaðið fínt og setjið í hitaþolna skál.

   
   

2. Hitið rjómann að suðumarki og takið af hitanum.

   
   

3. Hellið rjómanum yfir súkkulaðið og látið standa í tvær mínútur.

   
   

4. Hrærið rólega frá miðju skálarinnar þar til blandan verður slétt.

   
   

5. Bætið smjörinu við í litlum bitum og hrærið þar til það er bráðið.

   
   

6. Setjið lok eða filmu yfir og kælið í 3–4 klukkustundir, eða þar til blandan er nógu stíf til að móta.

   
   

7. Takið litla skammta með teskeið og rúllið í kúlur. Ef blandan mýkist of mikið er hún kæld aftur.

   
   

8. Veltið kúlunum upp úr kakói og raðið í lítil konfektform.

Geymsla

Geymið í lokuðu íláti í kæli og notið innan viku. Takið fram um tíu mínútum fyrir framreiðslu.