Vanilluhringir

Hráefni

• 500 g hveiti

• 375 g smjör

• 250 g sykur

• 1 egg

• ½ tsk hjartarsalt

• 2 tsk vanilludropar

Aðferð

1. Blandið hveiti, sykri og hjartarsalti saman.

   
   

2. Skerið smjörið í bita og vinnið saman við þurrefnin.

   
   

3. Bætið eggi og vanillu við og hnoðið stuttlega þar til deigið helst saman.

   
   

4. Kælið deigið í um klukkustund.

   
   

5. Hitið ofninn í 180°C með yfir- og undirhita.

   
   

6. Látið deigið mýkjast lítillega ef það er mjög hart. Mótið lengjur með kökupressu eða smákökustút á hakkavél. Einnig má rúlla mjóar lengjur með höndunum.

   
   

7. Skerið lengjurnar í um 8 cm búta og tengið endana í hringi.

   
   

8. Raðið á pappírsklædda plötu og bakið í um 10–15 mínútur, þar til kantarnir byrja að gyllast.

   
   

9. Látið kólna á plötunni í nokkrar mínútur og færið síðan á grind.

Geymsla

Geymið alveg kaldar kökur í lokuðu kökuboxi.